எதற்காக....

கட்டுரை  எழுதுகின்றேன்
புகழ் பெறுவதற்காக அல்ல
சமூகத்தை விழிப்படுத்துவதற்காக

புத்தகம் படிக்கிறேன்
வாசகன் ஆவதற்காக அல்ல
உலகை அறிவதற்காக

ஊர் சுற்றுகிறேன்
காதலிப்பதற்காக அல்ல
நிருபராவதற்காக

கடிதம் எழுதுகின்றேன்
நண்பனுக்காக அல்ல
நயவஞ்சகனை அறிவதற்காக

கவிதை எழுதுகின்றேன்
கவிஞன் ஆவதற்காக அல்ல
காதலில் தோற்றதற்காக

பாட்டுப் படிக்கின்றேன்
பாடகனாவதற்காக அல்ல
காதல் துயரத்தை களைவதற்காக

இவை எல்லாம் ஏட்டில் எழுதுகின்றேன்
என்னைத் தெரிவிப்பதற்காக அல்ல
என்னை நான் அறிவதற்காக...
***
2011